తెలంగాణలో కాంగ్రెస్ ప్రభుత్వం అధికారంలోకి వచ్చిన తర్వాత, రాష్ట్రంలో లంచాలు పెరిగాయని బీజేపీ ఎమ్మెల్యే రాజాసింగ్ తీవ్రంగా విమర్శించారు. ఆయన మాట్లాడుతూ, గతంలో పోలీసు అధికారులు లంచాలు తీసుకోవాలంటే భయపడేవారని, కానీ ఇప్పుడు పరిస్థితి పూర్తిగా మారిపోయింది అని పేర్కొన్నారు.
తాజాగా, కరీంనగర్ జమ్మికుంట పోలీస్ స్టేషన్కు చెందిన సీఐ ఓ కేసు విషయంలో రూ. 3 లక్షల లంచం తీసుకుంటూ ఆడియో వైరల్ అవడంపై ఆయన స్పందించారు. అదే విధంగా, తన సొంత నియోజకవర్గమైన గోషామహల్ పరిధిలోని సాయినాథ్ గంజ్ పోలీస్ స్టేషన్ ఇన్స్పెక్టర్ బాబూ చౌహాన్ కూడా ఒక కేసులో నిందితుడి పేరును తొలగించడానికి రూ. 50 వేల లంచం తీసుకుంటూ ఏసీబీ (ఆంటి కారప్షన్ బ్యూరో) చేత పట్టుబడినట్లు రాజాసింగ్ వివరించారు.
ఈ ఏడాది లోనే ఎంతో మంది పోలీసు అధికారులు లంచాలు తీసుకుంటూ పట్టుబడిన సందర్భాలు వెల్లడి అయ్యాయని ఆయన చెప్పారు. ప్రజలకు రక్షణగా ఉండాల్సిన, సమాజానికి అండగా నిలవాల్సిన పోలీసుల నుంచి ఇలాంటి విధేయత లేని ప్రవర్తన ప్రజల హృదయాలను కలచివేస్తున్నట్లు రాజాసింగ్ తెలిపారు.
అలాగే, ప్రతి పోలీస్ స్టేషన్లో సీసీ కెమెరాలు ఏర్పాటు చేయాలని, లంచాలు తీసుకునే అధికారులను విధుల నుంచి శాశ్వతంగా తొలగించేలా ప్రత్యేక చట్టం తీసుకురావాల్సిన అవసరం ఉందని బీజేపీ ఎమ్మెల్యే డిమాండ్ చేశారు.
తెలంగాణలో పోలీసు శాఖపై ప్రజలలో ఉన్న అవగాహనను బట్టి, ఈ వ్యాఖ్యలు ప్రస్తుత ప్రభుత్వంపై మరింత విమర్శలను తలపెట్టే అవకాశం ఉంది.
About the Author
