”కాల గమనం” అనే లవ్ & యూత్ ఫుల్ ఎంటర్టైనర్ చిత్రం యొక్క ఫస్ట్ లుక్ పోస్టర్ ఏపీ ఫిలిం ఛాంబర్ అధ్యక్షులు, హరిహర వీరమల్లు నిర్మాత ఏయం రత్నం గారు ఆవిష్కరించారు. ఈ కార్యక్రమం లో ఏపీ ఫిలిం ఛాంబర్ సెక్రటరీ మోహన్ గౌడ్ మరియు చిత్ర యూనిట్ సభ్యులు పాల్గొన్నారు.
ఈ సందర్భంగా ఏయం రత్నం మాట్లాడుతూ, “ఈ చిత్రం టైటిల్ ‘కాల గమనం’ ఇప్పటి సమాజ పరిస్థితులకు అనుగుణంగా అనిపిస్తుంది. ఈ చిత్రం సక్సెస్ అవ్వాలని మరియు నిర్మాతకు మంచి పేరు రావాలని కోరుకుంటున్నాను” అని అన్నారు.
సుధాకర్ బుర్రి దర్శకుడు మరియు నిర్మాత మాట్లాడుతూ, “లెజెండరీ ప్రొడ్యూసర్ ఏయం రత్నం గారు మా పోస్టర్ ను ఆవిష్కరించడం మా అదృష్టంగా భావిస్తున్నాము. ఆయన చేతులు మీదుగా ఫస్ట్ లుక్ ఆవిష్కరణ జరగటం మాకు ఎంతో బలాన్ని ఇచ్చింది. ప్రస్తుతం పోస్ట్ ప్రొడక్షన్ కార్యక్రమాలు పూర్తయ్యాయి, మార్చి ఎండింగ్ లో ఈ చిత్రాన్ని ప్రేక్షకుల ముందుకు తీసుకురానున్నాం. మా కార్యక్రమంలో సహకరించిన మోహన్ గౌడ్, దయాల కెనడి బోస్, దొడ్ల చిన్నారావు, పిల్లెం రామారావు, కాప శ్రీనివాస రావు, మూల్పూరి లక్ష్మణ స్వామి, నత్తా నాగేశ్వరరావు గారికి ప్రత్యేక కృతజ్ఞతలు తెలుపుకుంటున్నాను” అని అన్నారు.
హీరో రాజా మాట్లాడుతూ, “ప్రముఖ నిర్మాత ఏయం రత్నం లాంటి గొప్ప వ్యక్తి చేతుల మీదుగా మా చిత్రం ఫస్ట్ లుక్ ఆవిష్కరించడం చాలా సంతోషంగా ఉంది. ఈరోజు మా ప్రాజెక్ట్ కి ఎంతో సుదినం. నేను ఈ చిత్రంలో నటించినందుకు గర్వపడుతున్నాను. ఈ చిత్రం నా కెరీర్ లో ల్యాండ్ మార్క్ అవుతుంది” అని చెప్పారు.
చిత్రయూనిట్: హీరోలు: రాజా బిరుదుల, లావణ్య రామారావు, చిన్న బాబు, డాక్టర్ జబర్దస్త్ రాజమౌళి, అన్నె శిరీష, సతీష్ సరిపల్లి, ఆర్కే నాయుడు, బలగం రమేష్, బలగం కర్తానందం, జబర్దస్త్ శాంతి కుమార్, శివ ప్రసాద్, తిరు నాచురల్ స్టార్
సంగీతం: రాజేష్ రాజ్ తేలు
డీవోపీ: మురళి కంకణాల
ఎడిటర్: శ్రీకృష్ణ ప్రసాద్
కాస్ట్యూమ్ డిజైనింగ్: శ్వేతా బొమ్మ రెడ్డి
ప్రొడ్యూసర్, డైరెక్టర్, రచయిత: సుధాకర్ బుర్రి
పీఆర్ఓ: బి. వీరబాబు
ఈ చిత్రం కాల గమనం త్వరలో ప్రేక్షకుల ముందుకు రాబోతుంది.
