స్లేట్ పెన్సిల్ స్టోరీస్ పతాకంపై, ప్రభాకర్ అరిపాక సమర్పణలో పృధ్వీ పోలవరపు నిర్మాతగా, సముద్రఖని ప్రధానపాత్రలో నటించిన ద్విభాషా చిత్రం ‘రామం రాఘవం’ ట్రైలర్‌ని హీరో నాని విడుదల చేశారు. ఈ వేడుకలో నాని, సముద్రఖని, ధన్‌రాజ్, పృధ్వీ పోలవరపు తదితరులు పాల్గొని ట్రైలర్‌ను శుభారంభం చేశారు.
హీరో నాని మాట్లాడుతూ, “నేను ఈ ట్రైలర్‌ని నా చేతులమీదుగా విడుదల చేయడం నాకు చాలా ఆనందంగా ఉంది. ధన్‌రాజ్ నాకు కెరీర్ ప్రారంభం నుండి పరిచయం. అతని టాలెంట్ నాకు తెలియదు అని చెప్పలేను. నేను అనుకున్నట్లు కామెడీ చిత్రం తీస్తాడని భావించాను, కానీ ట్రైలర్ చూసి ‘రామం రాఘవం’ సినిమా ఎమోషనల్ డ్రైవ్‌లో నన్ను తీసుకెళ్లింది. సముద్రఖని గారి వర్క్ నాకు చాలా ఇష్టం. ఆయన నా ఫ్యామిలీలా ఉంటారు. పృధ్వీ పోలవరపు మంచి కంటెంట్‌తో సినిమాను నిర్మించారు. ‘శశి’ చిత్రంలోని ‘‘ఒకే ఒక లోకం నువ్వు’’ పాట నాకు చాలా ఇష్టం. ఈ సినిమాకు సంగీతం అందించిన అరుణ్ చిలివేరు చక్కని సంగీతం ఇచ్చారు. ట్రైలర్ చూసినప్పుడు అర్థమవుతుంది. ఈ టీమందరికి ఆల్ ది బెస్ట్ చెప్తూ, ఫిబ్రవరి 21కి ఎదురుచూస్తున్నాను” అని తెలిపారు.
సముద్రఖని మాట్లాడుతూ, “నాని గారు నాకు సొంత తమ్ముడులా ఉంటారు. ఈ సినిమా ట్రైలర్ లాంచ్‌ను ఆయన చేయడం ఎంతో ఆనందంగా ఉంది. ధన్‌రాజు దర్శకత్వంలో ‘రామం రాఘవం’ చిత్రం ఫిబ్రవరి 21న విడుదలవుతుంది. మా సినిమా థియేటర్‌లో చూసి మమ్మల్ని ఆశీర్వదించండి” అని కోరారు.
ధన్‌రాజ్ మాట్లాడుతూ, “నాని గారి చేతుల మీదుగా నా మొదటి సినిమా ట్రైలర్ విడుదల అవ్వడం ఎంతో హ్యాపీగా ఉంది. ఆయనకు మా ట్రైలర్‌ని లాంచ్ చేసినందుకు కృతజ్ఞతలు. ఫాదర్-సన్ ఎమోషనల్ డ్రామా అనేది ఇప్పటివరకు ఎవరూ ట్రై చేయని యూనిక్ కాన్సెప్ట్‌తో రూపొందించాం. ప్రేక్షకులు మా సినిమాను ఆదరిస్తారని ఆశిస్తున్నా” అని చెప్పారు.
నిర్మాత పృధ్వీ పోలవరపు మాట్లాడుతూ, “మా సినిమా ‘రామం రాఘవం’ ట్రైలర్‌ను నాని గారు విడుదల చేయడం మా టీమ్‌కు మరింత ఉత్సాహాన్ని ఇచ్చింది. కంటెంట్‌ పరంగా ఫుల్‌గా ఉన్న ఈ సినిమాను ప్రేక్షకులు ఇష్టపడతారని నమ్మకం ఉంది” అని అన్నారు.
ఈ కార్యక్రమంలో నటి ప్రమోదిని, సంగీత దర్శకుడు అరుణ్ చిలివేరు, శివప్రసాద్ యానాల (కథ), దుర్గాప్రసాద్ కొల్లి (డీఓపీ), మార్థాండ్. కె. వెంకటేశ్ (ఎడిటర్), డౌలూరి నారాయణ (ఆర్ట్), సరస్వతి పుత్ర రామజోగయ్య శాస్త్రి (పాటలు), శ్రీధర్ (పీఆర్‌వో) తదితరులు పాల్గొన్నారు.
‘రామం రాఘవం’ చిత్రానికి ధన్‌రాజ్ దర్శకత్వం వహించారు. ఈ చిత్రం ఫిబ్రవరి 21న థియేటర్లలో విడుదలవుతోంది.
