మలయాళ ఇండస్ట్రీలో గత ఏడాది నుండి విజయాల వరుస కొనసాగుతూనే, ఈ ఏడాది కూడా అద్భుతమైన విజయాన్ని సాధించిన చిత్రం ‘రేఖా చిత్రం’. అసిఫ్ అలీ, అనశ్వర రాజన్ ప్రధాన పాత్రలను పోషించిన ఈ చిత్రం, ‘మర్డర్ మిస్టరీ’ కలిపిన క్రైమ్ ఇన్వెస్టిగేటివ్ థ్రిల్లర్గా ప్రేక్షకులను ఆకట్టుకుంది. వేణు కున్నప్పిలి నిర్మాణం, జోఫిన్ చాకో దర్శకత్వంలో తెరకెక్కిన ఈ సినిమా ప్రస్తుతం మలయాళ సినీ అభిమానులలో టాపిక్గా మారింది.
ఈ సినిమా థియేటర్లలో విడుదలైనప్పటి నుంచి బాక్సాఫీస్ వద్ద అద్భుతమైన వసూళ్లను సాధించింది. సినిమాకు ఖర్చు చేసిన బడ్జెట్ 6-9 కోట్ల మధ్య ఉండగా, 13 రోజుల్లోనే ఈ చిత్రం 50 కోట్ల మార్కును అందుకుంది. 25 రోజుల్లో 75 కోట్ల వసూళ్లను సాధించి, మలయాళ సినిమాల విజయ పరంపరను కొనసాగించింది.
సిద్ధిఖీ, జగదీశ్, సాయికుమార్ ముఖ్య పాత్రలను పోషించిన ఈ సినిమాలో మమ్ముట్టి ప్రత్యేక పాత్రలో కనిపించడం విశేషం. కథలో, పోలీస్ ఆఫీసర్ వివేక్ గోపీనాథ్ (అసిఫ్ అలీ) ఒక కేసు విషయంలో సస్పెండ్ అయ్యాక, అతని నిజాయితీని గుర్తించి ఒక మర్డర్ మిస్టరీ కేసును అప్పగిస్తారు. ఆ కేసు పరిశోధించడానికి వెళ్లిన వివేక్, 40 ఏళ్ల క్రితం జరిగిన హత్యతో ఈ కేసు సంబంధం ఉన్నదని గుర్తిస్తాడు. ఆ హత్య ఎవరిది? వివేక్ ఈ కేసును ఎలా ఛేదిస్తాడు? అనేది కథ.
ఈ సినిమాను మలయాళ ప్రేక్షకులు థియేటర్లలో చూసి ఆదరించడంతో, ఇప్పుడు ‘సోనీ లివ్’ ఓటీటీ ప్లాట్ఫారమ్లో ఈ చిత్రం స్ట్రీమింగ్ కానున్నట్లు సమాచారం. ఇది మరిన్ని ప్రేక్షకులను ఆకర్షించడంతో పాటు, మలయాళ సినీ పరిశ్రమకు మరింత గుర్తింపు తెచ్చిపెడుతుంది.
About the Author
