ఢిల్లీ: ఢిల్లీ అసెంబ్లీ ఎన్నికలకు సంబంధించి ప్రచారం ముగిసింది. వచ్చే ఆదివారం (ఫిబ్రవరి 5) 70 అసెంబ్లీ స్థానాలకు పోలింగ్ జరగనుంది. ఎన్నికల ప్రచారం ఈరోజు సాయంత్రం (ఫిబ్రవరి 4) ముగిసింది. అధికార ఆమ్ ఆద్మీ పార్టీ (AAP) ప్రజలను ఆకట్టుకోవడం, బీజేపీ అధికారాన్ని సాధించేందుకు, కాంగ్రెస్ తమ స్థానాన్ని రక్షించుకోవడానికి హోరాహోరీగా ప్రచార కార్యక్రమాలు నిర్వహించాయి. బీజేపీ ఈ రోజు నగరంలో 22 రోడ్డు షోలు నిర్వహించి, ప్రజల మద్దతు కోరింది.
ఫిబ్రవరి 5న ఢిల్లీ అసెంబ్లీ ఎన్నికలతో పాటు ఉత్తరప్రదేశ్, తమిళనాడులోని ఒక్కో అసెంబ్లీ స్థానంలో ఉప ఎన్నికలకు కూడా పోలింగ్ జరగనుంది. ఈ నేపథ్యంలో, ఎన్నికల సంఘం ఎగ్జిట్ పోల్స్ మరియు ఇతర సర్వేలు ప్రకటనపై నిషేధం విధించింది.
ఈ మేరకు ఎన్నికల సంఘం (ఈసీ) ఫిబ్రవరి 5న ఉదయం 7 గంటల నుంచి సాయంత్రం 6.30 గంటల వరకు ఎగ్జిట్ పోల్స్, ఒపీనియన్ పోల్ లేదా ఇతర పోల్ సర్వేలపై ఏవైనా వార్తలను ప్రచురించకూడదని నోటిఫికేషన్ జారీ చేసింది.
ఈ నోటిఫికేషన్ ప్రకారం, పోలింగ్ ముగిసే సమయానికి 48 గంటల ముందు ఎలాంటి ఎగ్జిట్ పోల్స్ లేదా ఇతర సర్వేలు ప్రచురించకూడదని ఎన్నికల సంఘం స్పష్టం చేసింది.
ఈ చర్య ఎవరూ ఎన్నికల ప్రక్రియపై ప్రభావం చూపకుండా వుండాలని, ప్రజల మౌలిక హక్కులకు అడ్డంకులు ఏర్పడకుండా చర్య తీసుకోవాలని సూచించింది.
