రాజకీయాలకు గుడ్ బై చెప్పిన తర్వాత, మాజీ ఎంపీ విజయసాయిరెడ్డి ఇప్పుడు వ్యవసాయ రంగంలో అడుగు పెట్టారు. తన భవిష్యత్తును వ్యవసాయంలోనే కనిపెట్టుకుంటానని ప్రకటించిన విజయసాయిరెడ్డి, ఇటీవల తన క్షేత్రంలో పంటల కార్యకలాపాలను ప్రారంభించినట్టు తెలిపారు.
విజయసాయి, “నా ఉద్యాన పంటల కార్యకలాపాలను తాజాగా ప్రారంభించానని చెప్పడానికి ఎంతో సంతోషిస్తున్నాను,” అంటూ తన సోషల్ మీడియా ఖాతాలో ట్వీట్ చేశారు.
ఈ సందర్భంగా ఆయన కొన్ని ఆసక్తికరమైన ఫొటోలను కూడా పంచుకున్నారు. జీప్ వాహనంలో, సింపుల్ డ్రెస్ ధరించి, బొటనవేలు పైకెత్తి “ఆల్ ఈజ్ వెల్” అనే ఉద్దేశంతో పోజిచ్చిన ఆయన, తన కొత్త ప్రయాణం గురించి ఆనందాన్ని వ్యక్తం చేశారు.
విజయసాయిరెడ్డి రాజకీయాల్లో ఉండగానే, వ్యవసాయం మరియు గ్రామీణ అభివృద్ధిపై ఆసక్తి చూపించిన విషయం తెలిసిందే. ఇప్పుడు ఆయన ఈ రంగంలో అడుగు పెట్టడం ద్వారా, కేవలం వ్యవసాయ కార్యకలాపాలు మాత్రమే కాకుండా, రైతుల సంక్షేమానికి కూడా కృషి చేస్తానని భావిస్తున్నారని ఆయన సమీపవర్గాలు పేర్కొన్నాయి.
ఈ కొత్త దిశలో విజయసాయిరెడ్డి తన అనుభవాన్ని, జ్ఞానాన్ని అనుసరించి వ్యవసాయ రంగంలో మార్పు తీసుకురావాలని లక్ష్యంగా పెట్టుకున్నారు.
About the Author
