మధ్యప్రదేశ్‌లోని ఇందోర్ నగరాన్ని “యాచకులు లేని నగరం”గా మార్పుచేసేందుకు స్థానిక అధికారులు కఠిన చర్యలు తీసుకుంటున్నారు. ఈ నిషేధ నిబంధనలను ఉల్లంఘించినందుకు ఓ వ్యక్తిపై కేసు నమోదైంది.
వివరాల ప్రకారం, ఇందోర్‌లోని ఓ దేవాలయం వద్ద ఓ యాచకురాలికి డబ్బులు ఇచ్చిన వ్యక్తిపై పోలీసులు భిక్షాటన నిషేధ చట్టం (BSS) సెక్షన్ 233 ప్రకారం కేసు నమోదు చేశారు. ఈ నేరం రుజువైతే, అతనికి జైలుశిక్ష కూడా విధించే అవకాశం ఉందని అధికారులు పేర్కొన్నారు.
యాచకులు లేని నగరాల కోసం కేంద్ర ప్రాజెక్టు
కేంద్ర సామాజిక, న్యాయ, సాధికారత మంత్రిత్వ శాఖ భిక్షాటన నిర్మూలన కోసం 10 నగరాల్లో పైలట్ ప్రాజెక్టును ప్రారంభించింది. ఇందులో ఇందోర్, ఢిల్లీ, బెంగళూరు, చెన్నై, హైదరాబాద్ వంటి ప్రధాన నగరాలు ఉన్నాయి.
ఈ ప్రాజెక్టు ప్రకారం, నగరాల్లో భిక్షాటన పూర్తిగా నిషేధం. యాచకులను వీధుల్లో చూడకుండా, వారిని పునరావాస కేంద్రాలకు తరలించాలని అధికార యంత్రాంగం నిర్ణయించింది. అంతేకాకుండా, యాచకులకు దానం చేసే వారిపై కూడా చర్యలు తీసుకోవాలని స్పష్టం చేసింది.
అధికారుల హెచ్చరిక
ఇందోర్ మునిసిపల్ కార్పొరేషన్ అధికారులు, “భిక్షాటన నివారించేందుకు ప్రజలు సహకరించాలి. వీధుల్లో భిక్షమెత్తే వారిని చూసినా డబ్బులు ఇవ్వకుండా, అధికారులకు సమాచారం అందించాలి” అని విజ్ఞప్తి చేశారు.
ఈ చర్యలపై ప్రజల్లో చర్చ ప్రారంభమైంది. అవసరమైన వారికి సహాయం చేయడంపై నిషేధం విధించడం ఎంతవరకు న్యాయం? అనేది ముద్దుగా మారింది. మరి, ఈ నిబంధనలు అమలవుతాయా లేదా, అన్నది వేచి చూడాలి.
