యువ కథానాయిక మీనాక్షి చౌదరి, తన కెరీర్‌లో తొలిసారి పోలీస్ పాత్రలో నటించి, ప్రేక్షకులను ఆకట్టుకుంటున్నారు. వెంకటేష్ ప్రధాన పాత్రలో అనిల్ రావిపూడి దర్శకత్వంలో రూపొందిన ‘సంక్రాంతికి వస్తున్నాం’ చిత్రం ఈ నెల 14న ప్రేక్షకుల ముందుకు రాబోతుంది. ఈ సందర్భంగా, మీనాక్షి చౌదరి మీడియాతో తన అనుభవాలను పంచుకున్నారు.
కెరీర్‌లో కొత్త అనుభవం
‘సంక్రాంతికి వస్తున్నాం’లో పోలీస్ పాత్రలో నటించడం నా కల. కెరీర్ ప్రారంభంలోనే ఇలాంటి అవకాశం రావడం ఆనందంగా ఉంది. ఈ పాత్ర కోసం ఎలాంటి రిఫరెన్స్ తీసుకోలేదు. మా నాన్న ఆర్మీ ఆఫీసర్ కాబట్టి, ఆయన బాడీ లాంగ్వేజ్‌పై నాకు అవగాహన ఉంది. దాన్ని దృష్టిలో పెట్టుకుని కాస్త హోమ్ వర్క్ చేశా’ అని మీనాక్షి తెలిపారు.
వెంకటేష్‌తో అనుభవం
‘వెంకటేష్ గారితో వర్క్ చేయడం సూపర్ ఎక్స్‌పీరియన్స్. ఆయన వండర్‌ఫుల్ హ్యూమన్. ఆయనలో ఎప్పుడూ ఒక ఆనందం కనిపిస్తుంటుంది. ఆయన కామెడీ టైమింగ్ అద్భుతం. అనిల్, వెంకీ గారిది సూపర్ హిట్ కాంబినేషన్. సెట్ లో కూడా ఒక మంచి రేపో ఉండేది. సీన్స్ అన్నీ ఫ్లోలో అద్భుతంగా జరిగాయి. వెంకటేష్ గారు చాలా ఫిట్ అండ్ ఎనర్జిటిక్ గా ఉంటారు. ఆయనతో వర్క్ చేయడం గ్రేట్ ఎక్స్‌పీరియన్స్’ అని ఆమె పేర్కొన్నారు.
సంక్రాంతి పండుగ సందర్భంగా విడుదల
‘గత ఏడాది సంక్రాంతికి ‘గుంటూరు కారం’ విడుదలైంది. ఇప్పుడు ‘సంక్రాంతికి వస్తున్నాం’తో వస్తున్నాం. ఈ జర్నీ ఒక కలలా అనిపిస్తోంది. నాపై నమ్మకం ఉంచి అవకాశాలు ఇచ్చిన దర్శక-నిర్మాతలకు ధన్యవాదాలు’ అని మీనాక్షి ఆనందం వ్యక్తం చేశారు.
భవిష్యత్తు ప్రాజెక్టులు
ప్రస్తుతం, మీనాక్షి నవీన్ పొలిశెట్టితో ఓ సినిమా చేస్తున్నారని, మరో రెండు చిత్రాలను త్వరలో ప్రకటించనున్నారని తెలిపారు.