టాలీవుడ్‌లో వైవిధ్యమైన పాత్రలతో ప్రత్యేక గుర్తింపును సంపాదించిన నటి లావణ్య త్రిపాఠి, ప్రస్తుతం మెగా కోడలుగా కూడా గుర్తింపు పొందారు. ఆమె ప్రధాన పాత్రలో రూపొందనున్న తాజా చిత్రం ‘సతీ లీలావతి’ ఆసక్తిని రేకెత్తిస్తోంది. ఈ చిత్రం దుర్గాదేవి పిక్చర్స్, ట్రియో స్టూడియోస్ బ్యానర్లపై ప్రొడక్షన్ నెం.1గా రూపొందనుంది.
విభిన్న చిత్రాల దర్శకుడు తాతినేని సత్య డైరెక్షన్
‘భీమిలీ కబడ్డీ జట్టు’, ‘ఎస్‌.ఎం.ఎస్‌’ (శివ మనసులో శృతి) వంటి ప్రత్యేకమైన సినిమాలను అందించిన దర్శకుడు తాతినేని సత్య ఈ చిత్రానికి దర్శకత్వం వహిస్తున్నారు. నిర్మాతలుగా నాగమోహన్ బాబు.ఎమ్‌, రాజేష్‌.టి వ్యవహరిస్తున్నారు.
లావణ్యకు ప్రత్యేక శుభాకాంక్షలు
డిసెంబర్ 15న లావణ్య త్రిపాఠి పుట్టినరోజు సందర్భంగా, చిత్ర యూనిట్ ఈ చిత్ర టైటిల్‌ను ప్రకటిస్తూ ఆమెకు జన్మదిన శుభాకాంక్షలు తెలియజేశారు. ఈ సినిమాలో లావణ్య డిఫరెంట్ రోల్‌లో కనిపించనున్నారు. యూనివర్సల్ స్టార్ కమల్ హాసన్ క్లాసిక్ ఎంటర్‌టైనర్ ‘సతీ లీలావతి’ టైటిల్ ఆధారంగా ఈ సినిమాను రూపొందిస్తున్నారు.
టెక్నికల్ టీమ్
ఈ చిత్రానికి సంగీత దర్శకుడిగా మిక్కీ జె. మేయర్ బాధ్యతలు తీసుకోగా, సినిమాటోగ్రాఫర్‌గా బినేంద్ర మీనన్ పని చేస్తున్నారు. ఉదయ్ పొట్టిపాడు డైలాగ్స్ అందిస్తుండగా, ఆర్ట్ డైరెక్టర్‌గా కోసనం విఠల్, ఎడిటింగ్ బాధ్యతలను సతీష్ సూర్య చేపట్టారు.
త్వరలో షూటింగ్ ప్రారంభం
చిత్ర షూటింగ్ త్వరలో ప్రారంభమవుతుందని, మరిన్ని వివరాలను త్వరలో వెల్లడిస్తామని నిర్మాతలు తెలిపారు.