హైదరాబాద్, హైటెక్ సిటీలో టెక్నాలజీ దిగ్గజం హెచ్‌సీఎల్ టెక్ తన కొత్త క్యాంపస్‌ను నిర్మిస్తున్న సంగతి తెలిసిందే. ఈ క్యాంపస్ ప్రారంభించడానికి తెలంగాణ ముఖ్యమంత్రి రేవంత్ రెడ్డిని హెచ్‌సీఎల్ టెక్ గ్లోబల్ సీఈవో, ఎండీ విజయ్ కుమార్ దావోస్ పర్యటనలో కలిసి అభ్యర్థించారు. ఈ భేటీపై మంత్రి శ్రీధర్ బాబు, సంబంధిత అధికారులు పాల్గొన్నారు.
హైటెక్ సిటీలో 3.2 లక్షల చదరపు అడుగుల విస్తీర్ణంలో నిర్మాణం జరుగుతున్న ఈ కొత్త క్యాంపస్‌లో 5 వేల మందికి ఐటీ నిపుణులుగా ఉద్యోగ అవకాశాలు లభించనున్నాయి. ఈ క్యాంపస్ ఫిబ్రవరిలో ప్రారంభించాలని విజయ్ కుమార్ పేర్కొన్నారు. తెలంగాణ రాష్ట్రంలో హెచ్‌సీఎల్ టెక్ సంస్థ తన సేవలను విస్తరించడాన్ని ముఖ్యమంత్రి స్వాగతించారు.
ఈ క్రమంలో, హెచ్‌సీఎల్ టెక్ సంస్థ 10 వేల కోట్ల రూపాయల భారీ పెట్టుబడిని హైదరాబాద్‌లో పెట్టింది. “కంట్రోల్ ఎస్” అనే సంస్థతో 400 మెగావాట్ల ఏఐ డేటా సెంటర్ క్లస్టర్ నిర్మించడానికి తెలంగాణ ప్రభుత్వం ఎంవోయూ కుదుర్చుకుంది. దీని ద్వారా రాష్ట్రంలో 3,600 మందికి ఉద్యోగాలు, ఉపాధి అవకాశాలు కలుగనున్నాయి.
ఈ ఒప్పందాలపై మంత్రి శ్రీధర్ బాబు, “కంట్రోల్ ఎస్” సీఈవో శ్రీధర్ సమక్షంలో బుధవారం అధికారికంగా గ్రీన్ సిగ్నల్ ఇచ్చారు. ఈ డేటా సెంటర్ నిర్మాణం తెలంగాణ రాష్ట్రంలో ఒక కొత్త మైలురాయిగా నిలుస్తుందని మంత్రి శ్రీధర్ బాబు పేర్కొన్నారు.
ఈ టెక్నాలజీ రంగంలో పెట్టుబడులు, ఉద్యోగ అవకాశాలు తెలంగాణకు మరింత శక్తివంతమైన వృద్ధి మార్గాన్ని అందిస్తున్నాయి.
