ఇటీవల చైనాలో హెచ్ఎంపీవీ (హ్యూమన్ మెటాపన్యూమోవైరస్) వైరస్ కారణంగా ఆసుపత్రుల్లో రద్దీ పెరిగిందని వచ్చిన కథనాలపై చైనా ప్రభుత్వానికి స్పందించింది. చైనా విదేశాంగ శాఖ ఈ కథనాలను పూర్తిగా కొట్టిపారేస్తూ, శీతాకాలంలో శ్వాసకోశ వ్యాధుల తీవ్రత సహజమైనదని పేర్కొంది.
హెచ్ఎంపీవీ వైరస్ గురించి వస్తోన్న నివేదికలు, వైరస్ కారణంగా ఆసుపత్రుల్లో అధిక రద్దీ ఏర్పడినట్లు చెప్తున్నాయి. దీనిపై చైనా విదేశాంగ శాఖ అధికార ప్రతినిధి మావో నింగ్ స్పందిస్తూ, “ఈ కథనాల్లో ఎలాంటి వాస్తవం లేదని స్పష్టం చేస్తున్నాము. శ్వాసకోశ వ్యాధుల తీవ్రత శీతాకాలంలో సాధారణంగా ఉంటుంది. అయితే, గత ఏడాదితో పోలిస్తే ఈసారి తీవ్రత తక్కువగా ఉందని చెప్పవచ్చు,” అని తెలిపారు.
మావో నింగ్, “చైనా పౌరులు, విదేశీయుల ఆరోగ్యాన్ని పర్యవేక్షించేందుకు మా ప్రభుత్వం అన్ని చర్యలను తీసుకుంటుంది. విదేశీయులు తమ దేశంలో పర్యటించేందుకు ఆందోళన చెందాల్సిన అవసరం లేదు. మా దేశం సురక్షితమైన ప్రదేశం” అని వివరించారు. చైనా నేషనల్ డిసీజ్ కంట్రోల్ అండ్ ప్రివెన్షన్ మార్గదర్శకాలను జారీ చేసి, శ్వాసకోశ వ్యాధుల నియంత్రణపై చర్యలు చేపడుతున్నట్లు తెలిపారు.
హెచ్ఎంపీవీ వైరస్ లక్షణాలు ఫ్లూ, ఇతర శ్వాసకోశ ఇన్‌ఫెక్షన్‌ల మాదిరిగా ఉంటాయని వైద్య నిపుణులు తెలిపారు. ఈ వైరస్ బారినపడిన వ్యక్తుల ద్వారా దగ్గు, తుమ్ము, శ్వాసతొక్కడం వంటి లక్షణాలు కనిపించవచ్చు. వైరస్ రెండు నుండి ఆరు రోజులలో లక్షణాలను ప్రదర్శిస్తుందని పేర్కొన్నారు. చిన్న పిల్లలు మరియు వృద్ధులు ఈ వైరస్ బారిన పడే అవకాశాలు ఎక్కువగా ఉంటాయి.
2001లో గుర్తించిన ఈ హెచ్ఎంపీవీ వైరస్‌కు ఇప్పటికీ ప్రత్యేకమైన వ్యాక్సిన్ లేదు. ఈ వైరస్‌కు సంబంధించిన చికిత్స, లక్షణాల ఆధారంగా ఉంటుంది.
చైనా ప్రభుత్వం, హెచ్ఎంపీవీ వైరస్‌పై వస్తున్న కథనాలు వాస్తవానికి పట్టించుకోవాల్సిన అవసరం లేదని, విదేశీయులకు ఎలాంటి ప్రమాదం లేదని స్పష్టం చేసింది.