గత అసెంబ్లీ ఎన్నికల్లో బీఆర్ఎస్ నుంచి గెలుపొంది, ఆ తర్వాత అధికార కాంగ్రెస్‌లో చేరిన ఎమ్మెల్యేలపై అనర్హత వేటు వేయాలని కోరుతూ బీఆర్ఎస్ వర్కింగ్ ప్రెసిడెంట్ కేటీఆర్ దాఖలు చేసిన పిటిషన్‌పై ఈరోజు సుప్రీంకోర్టులో విచారణ జరిగింది. ఈ విచారణను జస్టిస్ బి.ఆర్. గవాయ్ మరియు జస్టిస్ వినోద్ చంద్రలతో కూడిన ధర్మాసనం చేపట్టింది.
బీఆర్ఎస్ తరఫున సీనియర్ న్యాయవాది ఆర్య రామసుందరం వాదనలు వినిపించారు. కేటీఆర్ వేసిన పిటిషన్‌ను, గతంలో దాఖలైన పిటిషన్లతో జతచేసి, ధర్మాసనం విచారించనుంది. బీఆర్ఎస్ పార్టీ తరఫున దాఖలైన ఈ పిటిషన్లో, దానం నాగేందర్, కడియం శ్రీహరి, తెల్లం వెంకట్రావుల అనర్హత విషయంపై కూడా విచారణ జరగనున్నది.
సుప్రీంకోర్టు ధర్మాసనం ఈ విషయమై కీలకంగా, పిటిషన్ల విచారణను ఈ నెల 10కి వాయిదా వేసింది.
ఇదిలా ఉంటే, పాడి కౌశిక్ రెడ్డి వేసిన మరో పిటిషన్‌పై రెండు రోజుల క్రితం సుప్రీంకోర్టు విచారణ నిర్వహించింది. ఇందులో, పార్టీ మారిన ఎమ్మెల్యేలపై నిర్ణయం తీసుకోవడానికి తెలంగాణ అసెంబ్లీ స్పీకర్ వద్ద ఇంకా ఎంత సమయం కావాలని సుప్రీంకోర్టు ప్రశ్నించింది.
ఈ వివాదం తెలంగాణ రాజకీయం లో కొత్త మలుపులు తీసుకునే అవకాశాన్ని కలిగిస్తోంది, ఇకపై ఈ అంశంపై దేశవ్యాప్తంగా కాస్త హోరాహోరీగా చర్చలు జరిగే అవకాశం ఉంది.