టాలీవుడ్ సీనియర్ స్టార్ హీరోలు మళ్లీ ట్రాక్ ఎక్కారు. మధ్యలో వచ్చిన ప్లాపులను మురిపించేలా హిట్లను కొట్టేస్తున్నారు. ఇప్పటికే ముగ్గురు హీరోలు సక్సెస్ బాటపట్టగా… మరో హీరో హిట్ ఎప్పుడు కొడతాడా అని సినీ ఫ్యాన్స్ ఎదురు చూస్తున్నారు. మ
మెగాస్టార్ చిరంజీవి, న‌ట‌సింహం బాలకృష్ణ, విక్టరీ వెంకటేష్, కింగ్ నాగార్జున.. దశాబ్ధాలుగా తెలుగు సినిమాను నాలుగు స్తంభాలుగా మోస్తున్న హీరోలు. కుర్ర హీరోలతో సమానంగా సినిమాలు చేస్తున్నారు. కుర్ర డైరెక్టర్లతో కలిసి హిట్లను కొట్టేస్తున్నారు. ఈ న‌లుగురిలో ఇప్పటికే హీరోలు బాలయ్య, వెంకటేష్, నాగార్జున గ్రాండ్ విక్టరీ ని తమ ఖాతాలో వేసుకుని టాక్ ఆఫ్ ది ఇండస్ట్రీగా మారారు. దీంతో ఇప్పుడు అందరి చూపు మెగాస్టార్ చిరంజీవిపై పడింది. తన అప్ కమింగ్ మూవీ విశ్వంభరవైపు ఆస‌క్తిగా ఎదురుచూస్తున్నారు.
కొత్త ప్రయోగాలు లేవు… భారీ బడ్జెట్లూ కావు.. పాన్ ఇండియా సబ్జెక్టుల జోలికి వెళ్లడం లేదు అయినా సరే. తమ స్టామినా తో భారీ సక్సెస్ లు కొట్టేస్తున్నారు సీనియర్లు. మరీ మెగాస్టార్ ఎలా వస్తున్నాడు.. ఏ స్థాయి హిట్ కొట్టబోతున్నాడు.
ఇప్పుడు స్టార్ హీరోలందరు యాక్షన్ కథ‌లనే ఎక్కువగా ఎంచుకుంటూ సినిమాలు చేస్తున్నారు. పాన్ ఇండియా కల్చర్ పెరిగిన తరువాత.. యాక్షన్ జోనర్స్ వైపై హీరోలు మొగ్గు చూపుతున్నారు. పైగా అలాంటి వాటికే ఎక్కువ వసూళ్లు వస్తాయనే అపోహ ఉండిపోయింది. కానీ ఫ్యామిలీ ఎంటర్ టైనర్స్ ను కరెక్ట్ గా ప్రజెంట్ చేసి ప్రమోట్ చేసి..సరైన టైమ్ లో రిలీజ్ చేస్తే..అవి వందలకోట్ల వసూళ్లు చేస్తాయని సంక్రాంతికి వస్తున్నాం చిత్రం నిరూపించింది. వెంకటేష్ కూడా గతేడాది యాక్షన్ హీరోగా మారి సైంథవ్ చేస్తే అది వర్కౌట్ కాలేదు. అందుకే తనకు అచొచ్చిన కామెడీనే నమ్ముకుని సంక్రాంతికి వస్తున్నాం సినిమా చేశారు . నిజానికి కామెడీ పరంగా ఇదేమి అద్బుతమైన సినిమా కూడా కాదు.. కానీ థియేటర్స్ కు లేడీ ఆడియన్స్ వచ్చి చూసెలా ..దర్శకుడు అనీల్ రావిపూడి ఈ సినిమాను ప్రమోట్ చేసి వదిలారు.
వెంకటేష్ సైతం ఈ సినిమా కోసం యంగ్ హీరోల తరహాలో వీడియోలు చేశారు. ఫెస్టివల్ కు చూస్తే ఈ సినిమాను చూడాలనే హైప్ ను క్రియేట్ చేయటంతో ..ఈ సినిమా చెప్పుకొదగ్గ వసూళ్లను అందుకుంటుంది. ఓవిధంగా కామెడీ మరియు ఫ్యామిలీ ఎంటర్ టైనర్స్ కు ఎప్పుడు అడియన్స్ ఆదరణ ఉంటుందని వెంకటేష్ సినిమా నిరూపించినట్లయింది.మరో సీనియర్ హీరో బాలకృష్ణ నాలుగో హిట్ అందుకుని ఫామ్ ను కంటిన్యూ చేస్తున్నారు. బాలయ్య కూడా గత నాలుగు సినిమాల్లో యాక్షన్ తో పాటు ఫ్యామిలీ ఎమోషన్స్ కు ఇంపార్టెన్స్ ఇస్తూ.. అంతర్లీనంగా సామాజిక సందేశాన్ని కూడా ఇస్తూ వస్తున్నారు.గతేడాది విలేజ్ బ్యాక్ డ్రాప్ లో నా సామిరంగ సినిమా చేసి నాగార్జున విజయాన్ని అందుకున్నారు. ముగ్గురు సీనియర్ హీరోలు ఇప్పుడు సక్సెస్ లను అందుకోగా. ఇక ఇప్పడు మెగాస్టార్ చిరంజీవి నటిస్తున్న సోషియో ఫాంటసీ మూవీ విశ్వంభర కోసం అభిమానులు వెయిట్ చేస్తున్నారు.. వాల్తేరు వీరయ్య అనంతరం మరో సాలీడ్ హిట్ కోసం మెగాభిమానులు వెయిట్ చెస్తున్నారు.వరుసగా మెగా హీరోల సినిమాలు బాక్సాఫీస్ వద్ద పరాజయం పాలవటంతో ఫ్యాన్స్ డీలా పడ్డారు.ఈ పరిస్దితుల్లో విశ్వంభర చిత్రం పైనే అభిమానులు ఆశలు పెట్టుకున్నారు. చూడాలి మరి చిరు ఎలాంటి సక్సెస్ అందుకుంటాడో.