ఈ సంక్రాంతి బరిలో విడుదలైన ‘సంక్రాంతికి వస్తున్నాం’ సినిమా ప్రేక్షకులను విశేషంగా ఆకట్టుకుని బ్లాక్ బస్టర్ హిట్ అయింది. విక్టరీ వెంకటేష్ ప్రధాన పాత్రలో నటించిన ఈ సినిమా అనిల్ రావిపూడి దర్శకత్వంలో తెరకెక్కింది. సినిమా ప్రేక్షకుల మనసులో లో ఒక ప్రత్యేక స్థానం సంపాదించుకుంది.
ఈ చిత్రంలో బుల్లి రాజు అనే పాత్రలో నటించిన చిన్న హీరో రేవంత్ (బుడ్డోడిగా) తన నటనతో ప్రేక్షకులను కడుపుబ్బా నవ్వించాడు , అలానే బుల్లి రాజు క్యారెక్టర్ ప్రేక్షకులను బాగా అలరించింది. అలాగే, వెంకటేష్ సరసన ఐశ్వర్య రాజేష్, మీనాక్షి చౌదరి హీరోయిన్స్ గా నటించారు.
ఈ చిత్రం ఫ్యామిలీ ఎంటర్టైనర్ గా రూపొందింది, అందుకే కుటుంబ సభ్యులంతా కలిసి చూసే సినిమా కావడం వల్ల ప్రేక్షకుల మధ్య మంచి ఆదరణ పొందింది. విక్టరీ వెంకటేష్ తన పాత్రలో మరోసారి అద్భుతంగా నటించి, అభిమానులను ఆకట్టుకున్నాడు. ఈ సినిమా వెంకటేష్ కెరీర్‌లో బిగ్గెస్ట్ గ్రాస్ కలెక్ట్ చేసిన చిత్రంగా రికార్డు సృష్టించింది.
ఈ చిత్రం విడుదల తరువాత, బుల్లి రాజు పాత్రలో నటించిన రేవంత్ కు మంచి పేరు వచ్చింది. ‘సంక్రాంతికి వస్తున్నాం’ సినిమాతో తన కెరీర్ లో మంచి మైలురాయిని చేరుకున్న రేవంత్, తాజాగా మహేష్ బాబుని కూడా కలిశాడు. ప్రస్తుతం ఈ చిన్న నటుడు మహేష్ బాబుతో మరో ప్రాజెక్ట్ లో నటించే అవకాశాలున్నాయి. ముఖ్యంగా, అనిల్ రావిపూడి మహేష్ బాబుతో ఓ సినిమా ప్లాన్ చేస్తున్నాడు. రాజమౌళి సినిమా తరువాత ఈ ప్రాజెక్ట్ ఉండే అవకాశం ఉంది.
ఈ రూమర్లు సోషల్ మీడియాలో, సినిమా సర్కిల్స్‌లో చక్కర్లు కొడుతున్నాయి. అనిల్ రావిపూడి, మహేష్ బాబుతో సినిమా ప్లాన్ చేసిన తర్వాత రేవంత్ ‘బుల్లి రాజు’ పాత్రలో మరో మంచి అవకాశాన్ని ఇవ్వాలని అనుకుంటున్నారని అంటున్నారు. ఈ విషయంపై మరింత క్లారిటీ రావాల్సి ఉంది.