శంకర్పల్లి మండలం, రామచంద్రాపురం ప్రాంతంలో గత కొన్నేళ్లుగా నడుస్తున్న భూవివాదంపై మెదక్ ఎంపీ రఘునందన్ రావు ఈ రోజు నాంపల్లి పార్టీ కార్యాలయంలో మీడియాతో మాట్లాడారు. ఆయన ఆరోపణల మేరకు, రింగ్ రోడ్డు సమీపంలోని 85 ఎకరాల భూమిని ఒక మంత్రి తన కుటుంబ సభ్యుల పేరుతో రాయించుకునేందుకు ప్రయత్నిస్తున్నారని తెలిపారు.
ఈ భూమి ప్రాంతంలో దాదాపు రూ.1,500 కోట్ల విలువైన భూములు ఉన్నాయని, వాటిపై కొన్ని రాజకీయ నేతలు దౌర్జన్యం చేయాలని ప్రయత్నిస్తున్నారు. ఆయన పేర్కొన్నట్టు, శంకర్పల్లిలోని కొండకల్, రామచంద్రాపురం ప్రాంతాల మధ్య ఈ వివాదం కొనసాగుతుండగా, ప్రజల భూములను కబ్జా చేసేందుకు గత కొన్ని నెలలుగా వేళ్లున్నారని చెప్పారు.
గిరిజన రైతులకు న్యాయం: రఘునందన్ రావు డిమాండ్
రఘునందన్ రావు మాట్లాడుతూ, ముఖ్యమంత్రి రేవంత్ రెడ్డికి మూడు తరాలుగా అక్కడే నివసిస్తున్న గిరిజన రైతులకు పట్టాలు ఇచ్చి న్యాయం చేయాలని డిమాండ్ చేశారు. “ఈ భూములను కాపాడే ప్రయత్నంలో ప్రజలపై పోలీసుల సహాయంతో బెదిరింపులు చేస్తున్నారు. పేద ప్రజల భూములను కబ్జా చేయడమే వారి లక్ష్యం” అని ఆయన ఆరోపించారు.
భూమాత చట్టం పై ఆక్షేపణలు
రఘునందన్ రావు చర్చించిన మరో కీలక అంశం, ఆంధ్రప్రదేశ్ అసెంబ్లీలో భూముల కాపాడడటానికి తీసుకొచ్చిన “భూమాత చట్టం” గురించి. ఆయన వ్యాఖ్యానించారు, “ఇది ప్రజల భూములను కాపాడే చట్టంగా రూపొందించబడినప్పటికీ, ఇప్పుడు అదే చట్టాన్ని వక్రీకరించుకుని పేదల భూములను లాక్కునే ప్రయత్నం జరుగుతోంది.”
ప్రభుత్వం పేదల భూములపై అన్యాయం చేస్తున్నదని ఆరోపణ
రఘునందన్ రావు, ఈ చట్టం మరియు ప్రభుత్వ చర్యలను వ్యతిరేకిస్తూ, ప్రజల భూములపై జరుగుతున్న ఈ దౌర్జన్యాన్ని తక్షణమే ఆపాలని డిమాండ్ చేశారు. “ప్రభుత్వం మారిందంటే మూడు రంగుల జెండా వచ్చి పోయింది కానీ ప్రజల జీవితాల్లో ఎలాంటి మార్పు రాలేదు,” అని ఆయన అన్నారు.
ఈ ఆరోపణలు, రాష్ట్రంలో వున్న భూవివాదాలను మరింత ఉదృతం చేసే అవకాశం ఉంది, రాజకీయ వర్గాలు ఈ అంశంపై తీవ్ర చర్చలు ప్రారంభించాయి.
About the Author
