భార‌త జావెలిన్ త్రోయర్ నీరజ్ చోప్రా వివాహబంధంలోకి అడుగు పెట్టాడు. 2025 జనవరి 16న హిమానీ మోర్‌తో ఆయన పెళ్లి జరగగా, ఈ వివాహ వేడుక కుటుంబ సభ్యులు మరియు సన్నిహితుల మధ్య సిమ్లాలో ప్రైవేట్‌గా జరిగిందని సమాచారం. ఈ వివాహం గురించి రెండు రోజుల త‌ర్వాత స్వయంగా నీరజ్ చోప్రా తన సోషల్ మీడియా వేదిక ద్వారా ఫ్యాన్స్‌కు ఈ శుభవార్తను తెలియజేస్తూ, ఆత్మీయంగా సర్‌ప్రైజ్ చేశాడు.
హిమానీ మోర్ ఎవరు?
హిమానీ మోర్, జావెలిన్ త్రోయర్ నీరజ్ చోప్రా భార్య, ప్రముఖ టెన్నిస్ ప్లేయర్. ఆమె హర్యానాలోని సోనిపట్ జిల్లా పరిధిలోని లార్సౌలీ గ్రామానికి చెందినవారు. ప్రస్తుతం, హిమానీ అమెరికాలో చదువుకుంటున్నారు. వారి పరిచయమైన సందర్భం కూడా అమెరికాలోనే జరిగిందని, అక్కడే వారి మధ్య ప్రేమ సంబంధం మొదలైందని నీరజ్ చోప్రా కుటుంబ సభ్యుడు సురేంద్ర చోప్రా వెల్లడించారు.
ప్రేమకథ, పెళ్లి నిర్ణయం
ఈ ప్రేమకథ గురించి మాట్లాడిన సురేంద్ర చోప్రా, ఇరు కుటుంబాల అంగీకారంతో ఇద్దరూ రెండు నెలల కింద పెళ్లి చేసుకోవాలని నిర్ణయించుకున్నారని చెప్పారు. సిమ్లాలో జరిగిన వివాహ వేడుకలు 14 నుండి 16 జనవరి 2025 వరకు ఘనంగా జరిగాయి.
నీరజ్ చోప్రా: ఒలింపిక్స్ విజేత
టోక్యో ఒలింపిక్స్ 2020లో నీరజ్ చోప్రా జావెలిన్ throw విభాగంలో గోల్డ్ మెడల్ సాధించి చరిత్ర సృష్టించారు. ఈ విజయంతో అతను భారతీయ క్రీడల హిస్టరీలో తన పేరు నిలిపాడు. మరి కొన్ని నెలల క్రితం, 2024 పారిస్ ఒలింపిక్స్ లో కూడా నీరజ్ చోప్రా సిల్వర్ మెడల్ సాధించి మరో అద్భుతమైన కీర్తిని సాధించాడు.
ఈ వివాహం తో, నీరజ్ చోప్రా క్రీడా ప్రపంచంలో తన ప్రదర్శనతో పాటు, వ్యక్తిగత జీవితం కూడా కొత్త ఘట్టంలో అడుగు పెట్టింది.