గత కొద్ది రోజుల నుంచి భారత్ లో HMPV వైరస్ కలకలం రేపుతోంది. కొత్త వైరస్ అని జాగ్రత్తగా ఉండాలంటూ.. ప్రజలను అలర్ట్ చేస్తున్నారు. తెలంగాణ ప్రభుత్వం సైతం అలర్ట్ జారీ చేసింది. ఇంతలోనే భారత్ లో తొలి కేసు అంటూ.. అది కూడా 8నెలల చిన్నారికి అంటూ న్యూస్ వైరల్ అవుతోంది. ఇంతకీ HMPV వైరస్ అంతా ప్రమాదకరమా..? ఇందులో ఎంతవరకు నిజముందనే అంశాలను ఈ స్టోరీలో తెలుసుకుందాం.
చైనాలో కలకలం రేపుతున్న హ్యూమన్ మెటా న్యూమోవైరస్ వైరస్ తొలి కేసు భారత్ లో గుర్తించారు. మంత్రిత్వ శాఖ స్పందిస్తూ.. బాప్టిస్ట్ ఆసుపత్రిలో తొలి హెచ్ఎంపీవీ కేసు నమోదైనట్లు ప్రచారం జరుగుతోంది. అయితే ఇక్కడ ల్యాబులలో టెస్టులు నిర్వహించలేదని ఆ రాష్ట్ర ఆరోగ్య శాఖ చెబుతోంది. ఆ చిన్నారికి ఎక్కడా ప్రయాణించలేదని.. అయినా ప్రమాదకర వైరస్ పాజిటివ్ రావడం నిజమా కాదా అని ఆరా తీస్తున్నారు. అయితే మెడికల్ మాఫియానా లేకపోతే ప్రజల భయాలతో ఆడుకుంటారో కాన చలికాలం సీజనల్ గా అందరికీ వచ్చే జలుబును చూపించి కొత్త కొత్త వైరస్ లతో బయపెట్టేందుకు రెడీ అయ్యారు. మొదట చైనాలో కొత్తగా హెచ్ఎంపీవీ అనే వైరస్ వ్యాప్తి చెందిందని సోషల్ మీడియాలో వైరల్ అయింది. కానీ చైనా మాత్రం.. అవన్నీ సీజనల్ వైరస్ లేనని గత ఏడాది కన్నా తక్కువ మందికి సోకిందని చెబుతోంది. కానీ ఆ వైరస్ ను బూచిగా చూపించి ప్రజల్ని భయపెట్టేందుకు ఇండియాలో అంతా రెడీ అయిపోయింది.
భారత్ లో ఓ ఎనిమిది నెలల శిశువుగా హెచ్ఎంపీవీ సోకిందని ప్రకటించాయి. ఓ ప్రైవేటు ఆస్పత్రిలో చేసిన చికిత్సతో ఇది బయటపడింది. అక్కడ చేసిన టెస్టుల్లో హెచ్ఎంపీవీ పాజిటివ్ అని నిర్దారించారు. దీంతో దేశంలో గగ్గోలు. పుట్టించడానికి అవసరమైన సరుకు దొరికినట్లయింది. కానీ ఈ వైరస్ అసలు ప్రమాదకరం కాదనే విషయాన్ని ఎవరూ చెప్పడం లేదు. ఈ వైరస్ వల్ల అసాధారణ లక్షణాలు కనిపించవు. సాధారణ జలుబు దగ్గూ మాత్రమే ఉంటాయి.క్యూర్ చేయడానికి ప్రత్యేకమైన మంతులు కూడా లేవు. మలుపు, దగ్గుమందులే వాడతారు. కానీ ఈ వైరస్ పేరుతో చేసే హడావుడి చాలా ఎక్కువగా ఉండే అవకాశాలు ఉన్నాయి. కరోనా తర్వాత ప్రజల ఆర్థిక ఆరోగ్యాన్ని మెడికల్ మాఫియా దోచుకుంది. ఇప్పుడు ఇలాంటి వైరస్ ల పేరుతో ప్రతి చలికాలంలో హంగామా చేసి.. భయానక వాతావరణాన్ని సృష్టిస్తున్నాయి. దురదృష్టవశాత్తూ నిజాలు చెప్పాల్సిన మీడియా కూడా ఇందులో భాగమైపోతోంది. కరోనా కారణంగా చనిపోయినవారి కన్నా.. ఆ వైరస్ పై జరిగిన ప్రచారం వల్లనే ఎక్కువ మంది ఆందోళనతో చనిపోయారన్నది అసలు నిజం. కానీ ఎవరూ ఒప్పుకోరు.