తెలంగాణ ముఖ్యమంత్రి రేవంత్ రెడ్డి కుల గణనపై చేసిన వ్యాఖ్యలకు బీజేపీ నేత రఘునందన్ రావు ఘాటైన ప్రతిస్పందన ఇచ్చారు. రేవంత్ రెడ్డి, ప్రధానమంత్రి నరేంద్ర మోదీ పై చేసిన వ్యాఖ్యలకు బదులిచ్చే క్రమంలో రఘునందన్ రావు, “మోదీ కులం గురించి మాట్లాడే ముందు, రాహుల్ గాంధీ కులం ఏమిటో రేవంత్ రెడ్డి చెప్పాలని” డిమాండ్ చేశారు.
రఘునందన్ రావు మాట్లాడుతూ, “ఇష్టానుసారం మాట్లాడిన వారంతా చరిత్రలో కలిసిపోయారు. రేవంత్ రెడ్డి మాటల్లో చేతకానితనం కొట్టొచ్చినట్లు కనిపిస్తోంది” అని విమర్శించారు. కుల గణనలో పాల్గొనడం చట్టంలో తప్పుగా అనిపిస్తోందని, “కుల గణనలో పాల్గొనాలని చట్టంలో ఎక్కడా రాయబడినదీ?” అని ప్రశ్నించారు.
ప్రధానమంత్రి మోదీ గురించి మాట్లాడే నైతిక హక్కు రేవంత్ రెడ్డికి లేదని రఘునందన్ రావు స్పష్టం చేశారు. “నరేంద్ర మోదీ కేబినెట్లో 17 మంది బీసీ మంత్రులు ఉన్నారు. కానీ, రేవంత్ రెడ్డి కేబినెట్లో రెండు మాత్రమే బీసీ మంత్రులు ఉన్నారు” అని ఆయన గుర్తు చేశారు. “ఏదైనా మాట్లాడే ముందు ఆలోచించుకోవాలి” అని హితవు పలికారు.
మోదీ కులం గురించి రేవంత్ రెడ్డి వ్యాఖ్యానించిన విషయం పై రఘునందన్ రావు ఎద్దేవా చేశారు. “మోదీ తన ఓసీ కులం నుండి బీసీ కులానికి మారారని ఇప్పుడే కనిపెట్టినట్లు మాట్లాడుతున్నారు” అని అన్నారు.
ఈ దాడి మీద రఘునందన్ రావు చర్చ కొనసాగిస్తూ, “రేవంత్ రెడ్డి కుల గణన గురించి మాట్లాడే ప్రాధాన్యత లేదు, దయచేసి మరింత జాగ్రత్తగా మాట్లాడండి” అని సూచించారు.