హైదరాబాద్ నగరంలోని జూబ్లీహిల్స్‌లోని తలసాని శ్రీనివాస్ యాదవ్ నివాసంలో మంగళవారం బీఆర్ఎస్ గ్రేటర్ ఎమ్మెల్యేల సమావేశం జరిగింది. ఈ సమావేశానికి బీఆర్ఎస్ వర్కింగ్ ప్రెసిడెంట్ కేటీఆర్ అధ్యక్షత వహించారు.
జీహెచ్ఎంసీ మేయర్ పై అవిశ్వాసం ప్రవేశపెట్టే అంశం ప్రధాన చర్చాంశంగా మారింది. ఈ అవిశ్వాసంపై తగిన నిర్ణయాలు తీసుకోవడానికి అవసరమైన కార్పొరేటర్ల బలం, వారి సంఖ్య, అంగీకారాన్ని ఎలా పొందాలి అనే విషయాలపై సమావేశంలో సుదీర్ఘ చర్చ జరిగింది.
ఈ సమావేశానికి జూబ్లీహిల్స్ ఎమ్మెల్యే మాగంటి గోపీనాథ్, ముషీరాబాద్ ఎమ్మెల్యే ముఠా గోపాల్, అంబర్ పేట ఎమ్మెల్యే కాలేరు వెంకటేశ్, ఉప్పల్ ఎమ్మెల్లే బండారు లక్ష్మారెడ్డి, ఎమ్మెల్సీ సురభి వాణి, మాజీ మంత్రి మహమూద్ అలీ, మాజీ ఎమ్మెల్యే బాల్క సుమన్ హాజరయ్యారు.
అంతేకాక, జీహెచ్ఎంసీ లో బీఆర్ఎస్ కు ఉన్న కార్పొరేటర్ల సంఖ్య, అవిశ్వాసం పెట్టేందుకు అవసరమైన మెజారిటీ, సమర్థమైన కార్పొరేటర్ల ఎంపిక వంటి అంశాలపై గంభీరం చర్చ జరిగింది.
ఈ సమావేశం అనంతరం, బీఆర్ఎస్ శ్రేణులపై కీలక నిర్ణయాలు తీసుకోవడంపై పార్టీ కార్యవర్గం సిద్ధంగా ఉందని సమాచారం.