హారర్ కామెడీ సినిమా ‘ది రాజాసాబ్’లో ప్రభాస్ సరసన హీరోయిన్గా నటిస్తున్న కేరళ బ్యూటీ మాళవిక మోహనన్ ఇటీవల ప్రభాస్ పై ఆసక్తికరమైన వ్యాఖ్యలు చేశారు. ఆమె, ఒక ఇంటర్వ్యూలో ప్రభాస్ గురించి ప్రశంసలు కురిపించారు.
‘బాహుబలి’ చిత్రంతో ప్రభాస్‌కు పెద్ద అభిమానిని అయిన మాళవిక, అప్పటి నుంచి ఆయనతో కలిసి పని చేయాలని కలలు కనేవారిగా చెప్పుకొచ్చారు. “ప్రభాస్‌తో పని చేయాలనే ఆశయం నాకు అప్పటినుంచి ఉంది. ఈ సినిమా షూటింగ్ సమయంలో, ప్రభాస్‌ను దగ్గరగా చూసి, నిజంగా ఆశ్చర్యపోయాను” అని మాళవిక చెప్పారు.
అంత పెద్ద స్టార్ అయినప్పటికీ, ప్రభాస్ చాలా నార్మల్‌గా, సపోర్టివ్‌గా ఉంటాడని పేర్కొన్నారు. “అతను సెట్‌లో ఉన్న అందరితో సరదాగా గడుపుతూ, టీమ్ మొత్తానికి మంచి ఫుడ్ పంపిస్తాడు. ఒకసారి అతను దగ్గరుండి బిర్యానీ తినిపించాడు. ఇవన్నీ చూసి నిజంగా ఆశ్చర్యపోయా,” అని మాళవిక చెప్పారు.
మాళవిక ఆమె మాటలను ముగిస్తూ, “ప్రభాస్ నిజంగా చాలా స్వీట్” అని ప్రశంసించారు.
ప్రభాస్ యొక్క సాదాసీదా స్వభావం మరియు స్నేహపూర్వక బంధాలు అభిమానులను, చిత్ర పరిశ్రమలో ఉన్న వారిని మరింత ఆకట్టుకుంటున్నాయి.