తెలంగాణ రాష్ట్రంలో కొత్త రేషన్ కార్డుల జారీకి తెలంగాణ ప్రభుత్వం ఈరోజు మార్గదర్శకాలను విడుదల చేసింది. ఈ నెల 26 నుండి రేషన్ కార్డులు జారీ చేయాలని నిర్ణయించింది. ఈ మేరకు, రేషన్ కార్డుల కోసం చాలా కాలంగా ఎదురుచూస్తున్న ప్రజలకు కొత్త రేషన్ కార్డుల జారీ ప్రక్రియ ప్రారంభమైంది.
రాష్ట్ర మంత్రివర్గం ఉపసంఘం సిఫార్సులను అనుసరించి లబ్ధిదారుల ఎంపిక చేపట్టనున్నారు. రేషన్ కార్డుల కోసం వచ్చిన దరఖాస్తులను మానిటరీ ప్రాసెస్ చేసిన తర్వాత, కులగణన సర్వే ఆధారంగా రేషన్ కార్డుల లేని కుటుంబాల జాబితాను జిల్లా కలెక్టర్, జీహెచ్ఎంసీ కమిషనర్కు క్షేత్రస్థాయిలో పరిశీలన కోసం పంపించనున్నారు.
ఈ ప్రక్రియని మున్సిపల్ కమిషనర్, ఎంపీడీవోలు మండల స్థాయిలో సమీక్షించి, జాబితాలను సరిచూసి గ్రామసభలు, వార్డుల్లో ప్రదర్శించి చదివి వినిపించి ఆమోదం పొందిన తర్వాత అధికారికంగా కొత్త రేషన్ కార్డులను జారీ చేయనున్నారు.
ఈ నిర్ణయంతో, గత ఏళ్లుగా సమస్యగా మిగిలిన వినతులు పరిష్కారానికి దారితీస్తుందని ప్రభుత్వం భావిస్తుంది. ఇక, ఈ ప్రక్రియ ద్వారా ప్రజల కోసం రేషన్ కార్డుల జారీ వ్యవస్థ మరింత పారదర్శకంగా, సమర్థవంతంగా జరిగేందుకు ఏర్పాట్లు చేస్తామని ప్రభుత్వం ప్రకటించింది.
About the Author
