ఫార్ములా ఈ-కార్ రేసింగ్ వ్యవహారంలో బీఆర్ఎస్ వర్కింగ్ ప్రెసిడెంట్ కేటీఆర్ పై ఆర్థిక నేరాల విచారణ ఏసీబీ, ఈడీతో జరుగుతున్న సందర్భంలో బీజేపీ ఎంపీ ధర్మపురి అర్వింద్ స్పందించారు. ఆయన కేటీఆర్, కవితకు ఇంకా అహంకారం తగ్గలేదని విమర్శించారు. “ప్రజల సొమ్ము దోచుకున్న దొంగ కేటీఆర్” అని ఆయన్ను ఉద్దేశిస్తూ మండిపడ్డారు. కేసీఆర్ కుటుంబం చట్టానికి అతీతం కాదని, వారు కూడా చట్టం ముందర సమానులేనని స్పష్టం చేశారు.
అర్వింద్, కేటీఆర్ ఇంకా ఎన్నిసార్లు తప్పించుకుని తిరుగుతారో అని ప్రశ్నిస్తూ, “తీహార్ జైలు లేక చంచల్ గూడా జైలు… కేటీఆర్ నిర్ణయించుకోవాలని” అంటూ వ్యంగ్యం ప్రదర్శించారు. కేసీఆర్ కుటుంబం ప్రస్తుత పరిస్థితిని అభద్రతాభావంతో ఉన్నట్లు అభిప్రాయపడ్డారు.
అదే సమయంలో, తెలంగాణ బీజేపీ ఆఫీసుపై కాంగ్రెస్ శ్రేణుల దాడిని అర్వింద్ ఖండించారు. కాంగ్రెస్ గత ప్రభుత్వ సంస్కృతినే అవలంబిస్తున్నట్లు ఆరోపిస్తూ, బీజేపీ తరఫున మండిపడ్డారు.
About the Author
