వివిధ సమస్యల పరిష్కారానికి ప్రజలు టీడీపీ కేంద్ర కార్యాలయానికి పెద్ద సంఖ్యలో హాజరయ్యారు. ఈ సందర్భంగా మంత్రి పొంగూరు నారాయణ, ఏపీ రాష్ట్ర సీడ్స్ డవలప్‌మెంట్ కార్పొరేషన్ చైర్మన్ మన్నె సుబ్బారెడ్డి, అర్జీలు స్వీకరించి సమస్యలను వివరించారు. అధికారులతో చర్చించి పరిష్కార చర్యలు వేగంగా చేపట్టాలని ఆదేశించారు.
ప్రజా వినతుల ముఖ్యాంశాలు:
1. ఒంగోలు టౌన్ – దొంగతనంపై న్యాయం కోసం విజ్ఞప్తి:
వాసంతి అనే మహిళ తన ఇంట్లో జరిగిన దొంగతనంపై పోలీసుల తీరుకు సంబంధించి న్యాయం కోరారు. చోరీకి సంబంధించిన పత్రాల్లో తక్కువ విలువ రాయించారని ఆరోపించారు.
2. భూమి వివాదం – పశ్చిమ గోదావరి జిల్లా:
పాలి గ్రామానికి చెందిన తుమ్మలపల్లి రాజేష్ తన పూర్వికుల భూమి ఇతరుల పేరుతో ఆన్‌లైన్‌లో నమోదు అయిందని, దాన్ని సవరించి తమ పేరుతో నమోదు చేయాలని కోరారు.
3. పల్నాడు జిల్లాలో విద్యాసంస్థలపై దాడి:
సత్తెనపల్లి మండలానికి చెందిన మక్కెన పద్మజ, ఓ వ్యక్తి తన అనుచరులతో కలిసి విద్యాసంస్థలపై దాడి చేసి ఆస్తులను ధ్వంసం చేశారని, ఆ ఘటనపై విచారణ చేసి న్యాయం చేయాలని విజ్ఞప్తి చేశారు.
4. నీలాద్రిపురం గ్రామం – కుటుంబ సమస్యలు:
జయవరకు వెంకట లక్ష్మీ తన తండ్రి, బాబాయి కుట్రల వల్ల తల్లి, తనకు న్యాయం జరగడం లేదని, వారసత్వ ఆస్తులను పొందడంలో సహాయం చేయాలని కోరారు.
5. ఏలూరు జిల్లా – భూమి కబ్జా సమస్య:
లక్కంసాని రామలక్ష్మి వైసీపీ కార్యకర్తలు తన భూమిని నకిలీ పత్రాలతో కబ్జా చేశారని, భూమిని మళ్లీ స్వాధీనం చేసుకోవడంలో సహాయం చేయాలని విజ్ఞప్తి చేశారు.
టీడీపీ నేతల హామీ:
మంత్రి పొంగూరు నారాయణ, మన్నె సుబ్బారెడ్డి ప్రజల సమస్యలను దృష్టిలో ఉంచుకుని అధికారులను తక్షణం చర్యలు చేపట్టేలా ఆదేశించారు. అర్జీదారుల బాధలను తీర్చేందుకు పార్టీ ఏ స్థాయిలోనైనా సహాయపడతుందని హామీ ఇచ్చారు.
Journalism is our Passion