బీహార్ రాష్ట్రం, నవడా జిల్లాలో వెలుగులోకి వచ్చిన ఒక మోసంతో కలకలం సృష్టించింది. ‘ఆల్ ఇండియా ప్రెగ్నెంట్ జాబ్ సర్వీస్’ మరియు ‘ప్లే బాయ్ సర్వీస్’ పేరిట సోషల్ మీడియాలో ప్రకటనలు ఇచ్చిన ముఠా, సంతానం లేని మహిళలకు గర్భవతులను చేయాలని కోరుతూ, రూ. 13 లక్షలు ఇచ్చే ప్రతిపాదనతో మోసం చేసింది. గర్భవతులను చేయడంలో విఫలమైనా రూ. 5 లక్షలు ఇవ్వబడతాయని వారు చెప్పడంతో, బాధితులు ఈ ప్రకటనకు నమ్మకంతో వారు ఆ సంస్థను ఆశ్రయించారు.
ఈ ప్రకటన చూసిన మహిళలు పాన్‌కార్డ్, ఆధార్‌కార్డ్ వంటి పత్రాలతో తమ వివరాలు ఇవ్వడమే కాకుండా, రిజిస్ట్రేషన్ ఫీజు, హోటల్ బుకింగ్, సెక్యూరిటీ డిపాజిట్ వంటివి చెల్లించి మోసపోయారు. రిజిస్ట్రేషన్ ఫీజు కింద రూ. 799, సెక్యూరిటీ డిపాజిట్ కింద రూ. 20,000 వరకు తీసుకున్నారు.
బాధితులు డబ్బులు చెల్లించడంలో నిరాకరిస్తే, వారిని బ్లాక్‌మెయిల్ చేసిన ముఠా సభ్యులు పెద్ద మొత్తంలో డబ్బులు వసూలు చేశారు. ఈ మోసంపై అనుమానం వ్యక్తం చేసిన కొందరు బాధితులు పోలీసులకు ఫిర్యాదు చేయడంతో, కేసు నమోదు చేసుకున్న పోలీసులు ఈ ముఠా ఆధారంగా 8 మందిని అరెస్ట్ చేశారు. వారి నుంచి 6 మొబైల్ ఫోన్లు స్వాధీనం చేసుకున్న పోలీసులు, వాటిలో ఉన్న కస్టమర్ల ఫోటోలు, వాట్సాప్ చాటింగ్, ఆడియో రికార్డింగ్, బ్యాంక్ లావాదేవీలను ఆధారంగా కేసును మరింత లోతుగా దర్యాప్తు చేస్తున్నారు.
ఈ ఘటన ప్రజలను జాగ్రత్తగా ఉండాలని, ఇలాంటి మోసాల నుంచి తప్పించుకోవాలని సూచిస్తోంది.