ఇండస్ట్రీలో హిట్ ఫార్ములాలు చాలా ఉంటాయి. కానీ ఎంత వరకు వర్కౌట్ అవుతాయో మాత్రం తెలియదు. కానీ ఒక ఫార్ములా మాత్రం పక్కగా హిట్ అవుతోంది. హ్యాట్రిక్ కాదు.. ఏకంగా డబుల్ హ్యాట్రిక్ లు కొడుతోంది. అక్కడా ఇక్కడా అని కాదు అది మాత్రం పక్కా హిట్ ఫార్ములాగా మారిపోయింది. అనౌన్స్ మెంట్ వస్తే చాలు కలెక్షన్ల గురించే మాట్లాడేసుఓవాల్సిన పరిస్థితి వస్తుంది ఇంతకీ అదేంటో తెలియాలంటే ఈ స్టోరీ చూడాల్సిందే.
..ఇండస్ట్రీలో కొన్ని కాంబినేషన్లకు ఎక్కడలేని క్రేజ్ ఉంటుంది. కథేమిటో.. బ్యాక్ డ్రాప్ ఏమిటో తెలియకపోయినా సరే.. వారు కలిసి పనిచేస్తే చాలు కలెక్షన్ల వర్షం కురుస్తుంది. అలాంటిదే డైరెక్టర్ త్రివిక్రమ్, ఐకాన్ స్టార్ అల్లు అర్జున్ కాంబో.. జులాయి, సన్‌ ఆఫ్ సత్యమూర్తి, అల వైకుంఠపురములో వంటి సినిమాలతో హ్యాట్రిక్ హిట్ కొట్టిన ఈ ద్వయం…ఇప్పుడు నాలుగో సినిమాకు సిద్ధమవుతోంది. ఈ మూవీ ప్రకటనైతే వచ్చింది కానీ.. సినిమా ఎప్పుడు మొదలవుతుందనే విషయంపై క్లారిటీ ఇవ్వలేదు. అయితే తాజాగా ఈ సినిమా గురించి ఓ అప్టేడ్ వచ్చేసింది. దీంతో మ‌రో హ్యాట్రిక్ ఖాయం అన్న చ‌ర్చ జరుగుతోంది.
బన్నీ, గురూజీ కాంబోలో రాబోతోన్న నాలుగో మూవీ మైథలాజికల్ జానర్ అన్న ప్రచారం మొదటి నుంచి జరుగుతోంది. పాన్ ఇండియా రేంజ్ లో భారీ బడ్జెట్ తో తెరకెక్కుతున్న ఈ మూవీ.. సుబ్రమణ్య స్వామి జీవిత చరిత్ర ని ఆధారంగా తీసుకొని రూపొందస్తున్నట్లు టాక్ నడుస్తోంది. అల్లు అర్జున్ సుబ్రహ్మణ్యస్వామిగా కనిపించనున్నట్లు ఫిల్మ్ నగర్ సర్కిల్ లో ఓ న్యూస్ చక్కర్లు కొడుతుతోంది. ఇప్పుడు బన్నీ పాత్రపై జరుగుతోన్న ప్రచారంలో నేపథ్యంలో .. సోషల్ మీడియాలో కార్తికేయుడిగా అల్లు అర్జున్ పై క్రియేట్ చేసిన పలు ఫోటోలు వైరల్ అయ్యాయి. గాడ్ ఆఫ్ వార్ గా కార్తకేయుడికి ఉన్న పేరుకు తగ్గట్టుగా సినిమా ఉంటుందని… పురాణాల స్పూర్తిగా త్రివిక్రమ్ కథను సిద్దం చేసినట్లు వార్తలు వినిపిస్తున్నాయి. మరీ ఫస్ట్ టైం రూట్ మారుస్తున్న గురూజీ ఎలాంటి వండర్స్ క్రియేట్ చేస్తాడో చూడాలి.