ఎండుద్రాక్ష లేదా కిస్మిస్ అనేది రుచిలో అద్భుతమైన డ్రై ఫ్రూట్ మాత్రమే కాదు, ఇది ఆరోగ్యానికి చాలా ప్రయోజనాలు అందిస్తుంది. శరీరానికి కావలసిన పోషకాలు, పోటాషియం, ఐరన్ లాంటి ముఖ్యమైన పదార్థాలు కిస్మిస్ ద్వారా లభిస్తాయి. అలాగే, కిస్మిస్‌లో ఉండే పోలీఫెనోల్, ఫ్లెవనాయిడ్స్ అనే యాంటీ ఆక్సిడెంట్లు ఫ్రీ రాడికల్స్‌ను నశింపజేస్తాయి, ఇది శరీరంలో ఉన్న సూక్ష్మ క్రిములు కాపాడటంతో పాటు గుండె వ్యాధులు, కేన్సర్ వంటి పెద్ద సమస్యలను ఎదుర్కొనేలో సహాయపడుతుంది.
కిస్మిస్ తినేందుకు సరైన సమయం ఉదయం వేళ. రాత్రి నీళ్లలో నానబెట్టి, ఉదయాన్నే ఈ కిస్మిస్ తినడం చాలా మంచిది. ఇందులో ఉండే ఫైబర్ జీర్ణక్రియను మెరుగుపరుస్తుంది, కడుపు సంబంధిత సమస్యలను తగ్గిస్తుంది. అలాగే, మధ్యాహ్నం వేళ ఆకలి తగ్గినప్పుడు కిస్మిస్ తినడం మంచి అలవాటు. నానబెట్టిన కిస్మిస్ లో ఉన్న నేచురల్ స్వీట్ కడుపు నిండిన ఫీలింగ్ కలిగిస్తుంది, ఇది బరువును నియంత్రించడంలో సహాయపడుతుంది.
కిస్మిస్‌లో ఐరన్ పుష్కలంగా ఉంటుంది, ఇది ఎర్ర రక్తకణాల ఉత్పత్తిని పెంచుతుంది, దీంతో రక్తహీనత సమస్య దూరమవుతుంది. అలాగే, కిస్మిస్‌లో ఉండే ఫ్రక్టోస్, గ్లూకోజ్ శక్తిని పెంచి, రోజంతా ఉల్లాసంగా ఉంచుతుంది.
నానబెట్టిన కిస్మిస్‌ను రెగ్యులర్‌గా తినడం వల్ల చర్మ సౌందర్యం పెరుగుతుంది. ఇందులో ఉన్న ఓలినోలిక్ యాసిడ్ దంతాల ఆరోగ్యాన్ని కాపాడి, దంతక్షయం వంటి సమస్యల నుంచి రక్షిస్తుంది.