భార్యకు రెండో భర్త నుంచి భరణం (maintenance) కోరే హక్కు ఉంటుందని సుప్రీంకోర్టు కీలక తీర్పు ఇచ్చింది.
మొదటి భర్తతో చట్టబద్ధంగా విడాకులు తీసుకోకున్నా, రెండో భర్తతో చేసిన వివాహం నేపథ్యంలో కూడా భార్యకు భరణం పొందే హక్కు ఉన్నదని సర్వోన్నత న్యాయస్థానం ప్రకటించింది. ఈ తీర్పు తెలంగాణ హైకోర్టు గతంలో ఇచ్చిన నిర్ణయాన్ని వ్యతిరేకించి వెలువడింది.
తెలంగాణ హైకోర్టు, మొదటి భర్త నుండి విడాకులు తీసుకోకుండానే రెండో వివాహం చేసుకున్న భార్య, రెండో భర్త నుండి భరణం కోరుకునే హక్కు లేదని తీర్పు ఇచ్చింది. అయితే, ఈ తీర్పును సవాలు చేస్తూ పిటిషనర్ సుప్రీంకోర్టులో దాఖలు చేసిన పిటిషన్ పై విచారణ జరిపింది.
సుప్రీంకోర్టు, సెక్షన్ 125 క్రిమినల్ ప్రొసీజర్ (CrPC) ప్రకారం, మొదటి భర్తతో విడాకులు తీసుకోకున్నా రెండో భర్త నుంచి భరణం (maintenance) పొందే హక్కు ఉన్నట్లు స్పష్టం చేసింది.
భార్యకు భరణం అనేది కేవలం ప్రయోజనం మాత్రమే కాక, భర్త యొక్క నైతిక మరియు చట్టపరమైన విధి అని సుప్రీంకోర్టు తన తీర్పులో పేర్కొంది. భర్త, భార్యకు ఆర్థిక సహాయం అందించే బాధ్యతను చట్టం ద్వారా నిర్ధారిస్తుంది, అని న్యాయస్థానం వివరించింది.
ఈ తీర్పు స్త్రీల హక్కులకు సంబంధించి ఒక కీలకమైన నిర్ణయం, ప్రత్యేకించి, విడాకులు తీసుకోకుండానే రెండో వివాహం చేసుకున్న స్త్రీలు కూడా తన హక్కులను తిరస్కరించకుండా తన ఆర్థిక హక్కుల్ని పొందగలుగుతారని సుప్రీంకోర్టు నిర్దారించింది.
About the Author
